Zitto Amjibu Dkt Bashiru “Maalim Seif Yupo ACT Ibeni Muone”

Kiongozi mkuu wa chama cha ACT Wazalendo, Zitto Kabwe amesema chama hicho hakitakubali kitendo chochote cha wizi wa kura kwa mwananchama wake aliyechukua fomu ya kugombea urais Zanzibar Maalim Seif Hamad kwenye uchaguzi ujao.

Akizungumza wakati akihutubia wananchi kwenye ziara ya kichama kwenye mikoa ya kusini Zitto amesema kuwa wanaopata ushindi kwa kuiba kura hawatofanya hicho kwa chama hicho kwenye uchaguzi kutokana na muunganiko wa nguvu ya wanasiasa hao wawili wazoefu.

“Hao waliozoea kuiba nataka kuwaambia tu Maalim Seif sasa hivi yupo ACT na hakuna atakaye muibia kura kama walivyozoea, sasa hivi tumeunganisha nguvu ya Maalim Seif na kijana wenu wa Kigoma Zitto Kabwe” amesema.

Ikumbukwe kuwa mapema jana katibu mkuu wa chama cha mapinduzi (CCM) Bashiru Ally alinikuliwa akisema Maalim Seif ni mzoefu wa kushindwa hivyo hawamuhofii kwenye uchaguzi ujao.

source http://www.bongoleo.com/2020/07/09/zitto-amjibu-dkt-bashiru-maalim-seif-yupo-act-ibeni-muone/