Magufuli amsamehe Kinana na kumuondolea adhabu aliyokuwa anaitumikia

Mwenyekiti wa Chama cha Mapinduzi (CCM), Dk. John Magufuli  ameaaomba wajumbe wa kikao cha Halmashauri Kuu ya CCM Taifa (NEC) kumsamehe Katibu Mkuu Mstaafu Abdulrahman Omary Kinana na kuondolewa adhabu aliyokuwa akiitumikia.

Wajumbe wote kwa pamoja wameafiki kusamehewa katika mkutano unaoendelea jijini Dodoma la kuchagua jina moja kati ya matatu ambaye atagombea urais Zanzibar.

Februari 28, 2020 Kamati Kuu ya CCM imeridhia kwa kauli moja kumfukuza uanachama waziri wa zamani wa Mambo ya Nje, Bernard Membe, kumpa karipio  katibu mkuu wa zamani wa chama hicho, Abdulrahman Kinana huku akitakiwa kutogombea nafasi yoyote ya uongozi ndani ya CCM kwa muda wa miezi 18 kuanzia Ijumaa Februari 28, 2020.

Katibu mkuu mwingine wa zamani wa chama hicho tawala, Yusuf Makamba amesamehewa makosa yake.

Mwenyekiti wa CCM Dkt John Pombe Magufuli amewaomba wajumbe wa Kikao cha Halmashauri Kuu CCM kumsamehe Katibu wa mstaafu Abdulrahman Omari Kinana na kuiondoa adhabu aliyokuwa akiitumikia ambapo wajumbe wote kwa pamoja wameafiki #KutokaDodoma pic.twitter.com/PwFmd1riIE

— Clouds Media (@CloudsMediaLive) July 10, 2020

source http://www.bongoleo.com/2020/07/10/magufuli-amsamehe-kinana-na-kumuondolea-adhabu-aliyokuwa-anaitumikia/