Rais Magufuli afanya uteuzi kwa DC, Mkurugenzi Mtendaji na Katibu Tawala wawili

Rais John Magufuli amewafanya uteuzi kwa Mkuu wa Wilaya, Mkurugenzi Mtendaji na Katibu Tawala.

Kwa mujibu wa taarifa iliyotolewa jana usiku na Mkurugenzi wa Mawasiliano ya Rais Ikulu, Gerson Msigwa Rais Magufuli amemteua  Kamishna Msaidizi wa Polisi (ACP), Advera John Bulimba kuwa Mkuu wa Wilaya ya Nzega mkoani Tabora.

Kabla ya uteuzi huo ACP Bulimba alikuwa kamanda wa Kikosi cha Polisi Tazara na anachukua nafasi ya Godfrey Ngupula.

Rais Magufuli amemteua Solomon Shati  kuwa Mkurugenzi Mtendaji wa Halmashauri ya Wilaya ya Hanang  mkoani Manyara.

Kabla ya uteuzi huo, Shati alikuwa Ofisa Mipango wa Halmashauri ya Wilaya ya Mpimbwe mkoani Katavi  na anachukua nafasi ya Bryceson Kibasa.

Wakati huo huo, Waziri wa nchi, Ofisi ya Rais, Menejementi ya Utumishi wa Umma na Utawala Bora, George Mkuchika  kwa mamlaka aliyokasimiwa na Rais amefanya uteuzi wa makatibu tawala wawili wa wilaya mbili.

Amemteua Omary Mwanga  kuwa Katibu Tawala wa Wilaya ya Nachingwea  mkoa wa Lindi. Omary Mwanga anachukua nafasi ya Husna Sekiboko.

Amemteua Saitoti Stephen kuwa Katibu Tawala wa Wilaya ya Mbeya mkoani Mbeya.  Kabla ya uteuzi hio Saitoti Stephen alikuwa Ofisa tarafa wilaya ya Mbulu  katika mkoa wa Manyara na anachukua nafasi ya Hassan Mkwawa.

Uteuzi wa viongozi hao umeanza Julai 10, 2020.

U T E U Z I wa DC, DED na DAS. pic.twitter.com/XnYDasaTu5

— Gerson Msigwa (@MsigwaGerson) July 9, 2020

source http://www.bongoleo.com/2020/07/10/rais-magufuli-afanya-uteuzi-kwa-dc-mkurugenzi-na-katibu-tawala/