Kamanda wa polisi mkoa wa kipolisi Rufiji Kamishna Msaidizi Onesmo Lyanga amesema kuwa Rais John Magufuli ametoa msamaha kwa kaimu mkurugezi wa Halmashauri hiyo Brighton Kilimba baada ya kutoa taarifa za uongo kuhusu gari la wagonjwa.
Akinukuliwa na kituo cha habari cha ITV Kamishna Onesmo amesema msamaha huo umetoka leo na mkurugebzi huyo yupo huru licha taratibu za kumpeleka mahakamani kuwa zilikwisha kamilika.
Mapema Julai 30 mwaka huu majira ya saa 9 mchana Rais Magufuli akitokea kijijini Lupaso wilayani Masasi mkoani Mtwara katika maziko ya aliyekuwa rais wa awamu ya tatu aliposimama Ikwiriri Rufiji mkoani Pwani kusikikiza kero mbalimbali inadaiwa Bw. Kilimba alitoa taarifa za uongo kwa Mhe rais kuwa gari la kubebea wagonjwa ni bovu liko gereji na linahitaji gharama kubwa za matengenezo wakati anajua sio kweli.
CHANZO: ITV
Kaimu DED aliyemdanganya Rais Rufiji asamehewa.Soma zaidi->https://t.co/1b0L50cst7 pic.twitter.com/JDd269hS47
— ITV (@ITVTANZANIA) August 12, 2020
source http://www.bongoleo.com/2020/08/12/mkurugenzi-aliyedanganya-gari-ya-wagonjwa-asamehewa/
No comments:
Post a Comment